टॅक्सधारकांना महसूल मंत्री राधाकृष्ण विखे पाटील यांचा मोठा दिलासा | राज्यातील ‘NA Tax’ हटवणार 

NA Tax Free : महाराष्ट्राचे महसूल मंत्री विखे पाटील टॅक्स धारकांना मोठा दिलासा देणार आहेत. लवकरच महाराष्ट्र राज्यातून ‘NA Tax’ पूर्णपणे हटवणार असल्याचा निर्णय राज्य सरकार घेत आहे. 

आता त्यामुळे खरेदी करताना एकदाच NA टॅक्स भरावा लागणार आहे. एकदा टॅक्स भरल्यानंतर पुन्हा टॅक्स भरण्याची गरज राहणार नाही, अशी घोषणा महसूल मंत्री विखे पाटीलांनी केली आहे. विखे पाटील म्हणाले दरवर्षीच NA करणे हे गरजेचे असते. जनतेला याचा मोठा त्रास सहन करावा लागतो. 

त्यामुळे आता खरेदीच्या वेळीच एकदाच NA टॅक्स भरावा लागणार असल्याचा निर्णय राज्य सरकार लवकरच घेणार आहे. त्यामुळे एकदा टॅक्स भरल्यानंतर पुन्हा टॅक्स भरण्याची गरजच राहणार नाही. त्यामुळे सरकारचा काही महसूल बुडेल, परंतु या निर्णयामुळे प्रामाणिकपणे कर भरणाऱ्या करदात्याला याचा फायदा देता येणार आहे. 

तसेच जमीन मोजणीचे जे नकाशे भूमि अभिलेख विभागाकडून दिले जातात ते आता घरपोच १५ दिवसांत देण्यात येतील, असेही महसूल मंत्री म्हणाले.