Artificial Intelligence Sections AI चा गैरवापर: तुम्ही AI चा गैरवापर केल्यास तुमचे काय होईल? Artificial Intelligence तंत्रज्ञानामध्ये मोठ्या प्रमाणात भर पडली आहे. असे जरी असले तरी या AI चा गैरवापर केला जात आहे. AI चा गैरवापर करून कोणत्या प्रकारचा गुन्हा कराल, त्याची शिक्षाही त्यानुसार ठरवली जाईल. जास्त करून , काही लोक AI वापरून लोकांचे आक्षेपार्ह व्हिडिओ तयार करत आहेत. या अंतर्गत अनेक प्रकरणांमध्ये त्यांच्यावर कारवाई करण्यात येत आहे.
कृत्रिम बुद्धिमत्तेच्या गैरवापराचे परिणाम जे लोक घाबरत होते, ते आता समोर येऊ लागले आहेत.
AI चा गैरवापर करून अनेकजण अश्लील प्रकारचे व्हिडिओ तयार करत आहेत.. असे तयार केलेले व्हिडिओ सोशल मीडियावर व्हायरल केले जातात.
Artificial Intelligence Sections
सोशल मीडियावर अशी अनेक प्रकरणे पाहिली जात आहेत, जिथे एआयचा वापर तुमचे फोटो/व्हिडिओ विकृत करण्यासाठी केला जाऊ शकतो. जर कोणी असा व्हिडीओ तयार केला तर त्यांच्यावर कायदेशीर कारवाई केली जाऊ शकते. अशी प्रकरणे अनेक कलमांतर्गत दाखल करण्यात आली आहेत.
आपण AI चा गैरवापर केला तर काय होईल?
अशा प्रकरणांमध्ये, आयटी कायदा, आयपीसी आणि डेटा संरक्षण कायद्याच्या विविध कलमांतर्गत गुन्हा दाखल होऊ शकतो. एका सायबर तज्ञाच्या माहितीनुसार, आयटी कायद्याच्या कलम 67 अंतर्गत इंटरनेटवर आक्षेपार्ह व्हिडिओ पोस्ट केल्यास त्याच्यावर कारवाई करण्याची तरतूद आहे.
AI चा गैरवापर केल्यास शिक्षा किती होऊ शकते ?
कलम 67 कलमांतर्गत तीन वर्षांपर्यंत कारावास आणि दंडाची तरतूद आहे आणि या शिक्षेत वाढही होऊ शकते. तुमच्या शेअर केलेल्या व्हिडीओमुळे ज्या व्यक्तीला त्रास झाला असेल ती व्यक्ती तुमच्याविरुद्ध मानहानीचा खटलाही दाखल करू शकते. यामध्ये लैंगिक गुन्ह्यांपासून बालकांचे संरक्षण कायद्याच्या (POCSO) कलमांखालीही गुन्हा दाखल करण्यात येऊ शकतो.
तुमच्या बाबतीत असे घडल्यास काय करावे?
अशा प्रकारची घटना घडल्यानंतर किंवा प्रकाराला कोणी बळी पडल्यास सायबर क्राईमच्या संबंधित पोलिस ठाण्यात संपर्क साधून तक्रार नोंदवू शकता. याशिवाय सोशल मीडिया वापरताना यूजर्सनी त्यांचे फोटो शेअर करताना थोडी काळजी घेणे आवश्यक आहे. तुम्हाला तुमचे फोटो कोणत्याही सोशल मीडिया प्लॅटफॉर्मवर आढळल्यास, तुम्ही तेथेही तक्रार करू शकता.
तुम्हाला प्रत्येक फोटोसोबत अनेक पर्याय मिळतात. फेसबुकवर तुम्हाला तुमचा कोणताही आक्षेपार्ह व्हिडिओ किंवा फोटो आढळल्यास तुम्ही त्याची तक्रार Report photo करू शकता. यासोबतच तुम्ही त्या प्लॅटफॉर्मच्या कस्टमर केअरशी संपर्क साधून तुमचा व्हिडिओ किंवा फोटो काढून टाकण्याची विनंती करू शकता.
AI चा गैरवापर
सोशल मीडियावर तुम्हाला असे अनेक पुरावे सापडतात, ज्यावरून असे दिसून येते की लोक AI चा गैरवापर करत आहेत. यामध्ये डीपफेक व्हिडिओ, मॉर्फ व्हिडिओ समावेश आहे. इन्स्टाग्राम आणि इतर सोशल मीडिया प्लॅटफॉर्मवर पीडोफाइल्सचे अनेक गट सक्रिय आहेत.
एवढेच नाही तर त्याचा संपूर्ण व्यवसाय डार्क वेबवर सुरू आहे. लोकांना सोशल मीडियावर अशा सामग्रीचा सशुल्क प्रवेश दिला जात आहे. सोशल मीडिया कंपन्या अशा अकाऊंटवर कारवाई करत आहेत, पण तरीही अशी अनेक खाती आहेत. म्हणूनच तुमचे फोटो सोशल मीडियावर किंवा अन्य ठिकाणी शेअर करताना सावध राहणे चांगले होईल.
आपणास हा लेख उपयुक्त वाटल्यास इतरांना देखील या खाली असलेल्या व्हाट्सअप द्वारे शेअर करा.
